រថយន្តLexus570 ស្លាកលេខ ភ្នំពេញ 2AA-8009 បានបុកចូលតូបអីវ៉ាន់ បណ្តាលឲ្យរបួសស្រាលស្ត្រី២នាក់
18-February-2020 | ដោយ ពលមនសិការ
បន្ទាយមានជ័យ៖ រថយន្តLexus570 ពាក់ស្លាកលេខ ភ្នំពេញ 2AA-8009 បានបុកចូលតូបអីវ៉ាន់ បណ្តាលឲ្យរបួសស្រាលស្ត្រី២នាក់។ ហេតុការណ៍គ្រោះថ្នាក់ចរាចរណ៍ខាងលើបានកើតឡើងកាលពីថ្ងៃទី១៧ ខែកុម្ភៈ ឆ្នាំ២០២០ភូមិក្បាលស្ពាន១ សង្កាត់/ក្រុងប៉ោយប៉ែត។
លោក ឈឿន ប៊ុនថា អធិការរងនគរបាលក្រុងប៉ោយប៉ែតបានឲ្យដឹងថានៅពេលគ្រោះថ្នាក់ចរាចរណ៍កើតឡើងគឺរថយន្តLexus 570 ដែលពាក់ស្លាកលេខ ភ្នំពេញ 2AA-8009 បានបើកបរតាមបណ្តោយផ្លូវបេតុងក្នុងទិសដៅជើងមកត្បូងបានគេចម៉ូតូបើកបរបញ្ច្រាស់ទិសបានរេចង្កូតទៅបុកតូបអីវ៉ានចាប់ហួយបណ្តាលរបួសស្រាលស្ត្រី២នាក់។
លោកបានបន្តថាអ្នកបើកបរឈ្មោះ ពិន សាវឿត បានមកចចារម្ចាស់តូបនិងអ្នករបួសទទួលចេញសំណងការខូចខាតទាំងអស់បានហើយចេញទៅបាត់ទុករថយន្តនៅកន្លែងកើតហេតុ។
លោក ឈឿន ប៊ុនថា បានបញ្ជាក់ថា៖នៅពេលគ្រោះថ្នាក់បានកើតឡើងមន្ត្រីនគរបាលជំនាញចុះទៅពិនិត្យវាស់វែងគឺគ្រោះថ្នាកចរាចរណ៍កើតឡើងបង្កដោយរថយន្តធុនលុចស៊ីស៊េរីទំនើបដែលបើកបរក្នុងស្ថានស្រវឹងទើបបង្កគ្រោះថ្នាក់ និងខូចខាតតូបនិងអីវ៉ាន់ក្នុងតូប។ ចំណែករថយន្តដែលបង្កត្រូវបានកម្លាំងជំនាញយកទៅរក្សាទុកនៅអធិការដ្ឋាននគរបាលក្រុងប៉ោយប៉ែត អោយម្ចាស់រថយន្តជាអ្នកបើកបរបង្កគ្រោះថ្នាក់ចូលខ្លួនដោះស្រាយព្រោះគ្រោះថ្នាក់និងខូចខាតមិនធ្ងន់ធ្ងរ៕
ចំនួនអ្នកទស្សនា
- ថ្ងៃនេះ15001
- ម្សិលមិញ15191
- សប្តាហ៍នេះ58151
- ខែនេះ80031
- ឆ្នាំនេះ80031
- សរុប20522487